الرئيسية صناع المحتوى «إسراء» حكاية سعي مبنية على تصميم الجرافيك وكتابة المحتوى: «اللي بيعافر بيوصل»

صناع المحتوى

«إسراء» حكاية سعي مبنية على تصميم الجرافيك وكتابة المحتوى: «اللي بيعافر بيوصل»

الفيتشر

A+ A-

 

من أعمال «إسراء» في تصميم الجرافيك 

كتبت:  شيماء رمضان سيد

 

أصبح مجال تصميم الجرافيك من أهم الأعمال الفنية والإلكترونية، التي تستخدم كثيراً في عصرنا الحالي بل أصبح مجال قادر على تغيير مسار الكثير من الأشياء من حولنا، بالأخص الموهوبين به، كما نشاهد في حكاية الموهوبة «إسراء» بطلة قصة اليوم على منصة «الفيتشر»، التي نرويها كما جاءت على لسانها.

 

إسراء ياسر تقطن وتدرس في محافظة القاهرة، بدأ حبها للجرافيك وكتابة المحتوي منذ سنوات: «بدأت أتعلم من ثلاث سنوات، كهواية بستفيد منها في وقت فراغي»، كما تحكي «إسراء» في حديثها مع منصة «الفيتشر».

 

وتضيف: «في البداية مكنتش عارفة مصدر أو موقع أستفيد منه والكورسات سعرها كان غالي أوي ووقتها مكنتش أعرف أنا موهوبة في أيه بالظبط، قابلت في البداية صعوبة في كتابة المحتوي لأني لم يكن لدي معلومات كفاية عن الكتابة».

 

وتتابع: «اكتشفت موهبتي في الكتابة بدأت أخد كورسات وتدريبات وأكتب وأطور من نفسي خطوة بخطوة إلى أن دخلت مجال الفريلانس وأخذت شهادات وجوائز عديدة وبدأت اكتب في مبادرة (كيانها) والناس استفادت منها واتغيرت حياتهم للأفضل».

 

وتواصل: «بالنسبة للجرافيك بدأت اتعلمه تعليم ذاتي واجهتني صعوبة إني معنديش لاب توب، فبدأت أطبق من خلال الفون من غير ما اخذ أي كورسات».

 

وتكمل: «عندما بدأت في كتابة المحتوي وأشوف الناس بدأت تستفيد منه أو من تصميم أنا عملته، ولما أساعد أي إنسان أنه يبدأ يطور من نفسه ويستغل وقته كان بيفرحني جداً، ولما بدأت أكتب محتوي عن المذاكرة ونزلته في جروبNo Zero Days من أكبر جروبات السوشيال ميديا ولقيت عدد كثير من الناس استفادت منه، ولما حد يسأل عن جرافيك والقي عملي كومنت بـ (إسراء ياسر أشطر جرافيك)  الجملة دي كانت بتثبتلي أن اللي بيتعب ويعافر هو اللي بيوصل».

 

وتستطرد: «أتواصل معايا العديد من المواقع والمنصات علشان ادي كورسات في الجرافيك، وعملت اكونت علي الانستجرام وبنزل عليه كل حاجه تخص الجرافيك، كل دا أثبت أن النجاح يستاهل أنك تتعب علشان لذة الوصول ملهاش وصف».

 

وتوضح: «نصيحتي لأي شخص عنده حلم لكن معندهوش دعم أنه يدعم نفسه بنفسه يكون هو الداعم الأول لنفسه ويبدأ يسعي ويحقق نجاح لحد ما الكل يسأله أنت  نجحت ازاي؟ يضع هدفه أمامه دائماً ويتعب ويعافر، ويقسم هدفه علي مراحل صغيرة وكل ما يحقق خطوة يكافئ نفسه ويشحع نفسه لحد ما يوصل، في البداية مش هيلقي دعم من حد حتي أقرب الناس ليك لكن لما توصل هيسقفولك وهيكونو فخورين بيك».

 

وتختتم حديثها قائلة: «نفسي أحقق كل أحلامي وأهدافي واكون مشهورة وأسس شركة اللي بحلم بيها وأساعد كل شخص عايز يتعلم ويطور ويغير من نفسه وأكون زي إيلون ماسك مؤسس شركة تيسلا وبيل جيتس مؤسس شركة ما مايكروسوفت، وفي النهاية أحب أشكر شريك عمري وخطيبي محمد جعفر هو السند لي والداعم ومساعدني إني أكمل حلمي وباذن لله هأسس الشركة اللي بتمناها وأنا معاه».

 

 

الوسوم: صناع المحتوى