طالبة بدرجة سيدة أعمال.. «ندى» 14 سنة تدير مشروع لبيع الإكسسوارات الهاند ميد
كتب: محمد
خاطر
قبل حوالي
عام، وفي الوقت الذي كان يفكر فيه جميع الأطفال والشباب الصغار في كيفية الاستمتاع
بإجازة نهاية العام الدراسي، كانت «ندى» صاحبة الـ 13 عام وقتها، تفكر كيف
ستستفيد من تلك الإجازة بشكل جيد وتخلق لنفسها عمل حقيقي ومربح على أرض الواقع،
وبعد سنة واحدة فقط كانت تدير مشروعها الأول لإنتاج إكسسوارات الهاند ميد.
ندى معتز فتحي
علي، 14 عام، نجحت خلال الأيام الماضية في تخطي الصف الثاني
الإعدادي وتستعد لتصبح طالبة بالصف الثالث الإعدادي، ورغم صغر سنها نجحت في تأسيس
مشروعها الأول: «الحكاية بدأت إني كنت في الإجازة وأنا بحب اشتغل أصلًا وكان نفسي
اشتغل من زمان، فاقترحت على ماما مشروعي ووافقت وقالتلي جربي، والحمد لله قدرت
أطور من نفسي ومن شغلي وأنا كمان اللي بصوره وبعمله الدعايا اللازمة على مواقع
التواصل الاجتماعي، أنا حقيقي بحب اشتغل جدًا ودي حاجة أنا بحبها وفخورة بكدا مش
مجرد كلام».
مشروع طالبة
الإعدادية استطاع أن يحقق أرباح مادية لـ «ندى» وفق ما تؤكد عليه في حديثها
مع منصة «الفيتشر»: «أنا أصلًا شاطرة في السوشيال ميديا فعملت جروب
وفعلًا دخلي أرباح كويسة منه الحمد لله وما زالت بشتغل».
تحلم «ندى»
بتحويل مشروعها الصغير إلى براند عالمي وتفتتح فروع مختلفة له بأكثر من مكان: «نفسي
يبقى ليا براند كبير باسمي من ناحية الشغل وابقى دايما ناجحة وأفتح أكتر من ستور
ليا في أكتر من مكان إن شاء الله، ومن ناحية الدراسة بحلم أطلع دكتورة أو مضيفة
طيران بأمر الله».
