حوار مع مبرمجة| «مريم» لـ «الفيتشر»: «بعلمها للأطفال لأنها لغة العصر»
حوار: منى صلاح
أحب تعليم الناس كل ما تعلمته
«ربع برا الصندوق» برنامج إذاعي أون لاين
يقدم «حاجات ملهاش علاقة بببعض»
برسم من و أنا في الصف السادس الابتدائي
سنة الله في خلقه أن يمر الإنسان بمراحل
متعددة منذ ولادته، ولعل مرحلة الشباب هي أروعها؛ ففي هذه المرحلة يكون الإنسان في
أوج نشاطه وقوته وعطائه، فتراه مقبلاً على الحياة ساعياً في مناكبها، راغباً في
خوض التجارب المتنوعة واكتساب الخبرات، يعينه في ذلك ما وهبه إياهالله من صحة وشغف
لتجربة ما حوله، يدفعه الأمل لبلوغ قمم النجاح والتميز.
دعونا نتعرف على الفتاة الملهمة مريم رجب ونتعرف على الكثير من انجازاتها كمثال يحتذي به وما هو طموحها، في حوار منصة
«الفيتشر» معها..
بداية عرفينا من هي مريم رجب؟
أنا مريم رجب، عندي 21 سنة،
في كلية حاسبات ومعلومات جامعة عين شمس قسم Computer
system و instructor في مجال
البرمجة و Mobile developer مخلصة flutter ومهتمة حاليا ببرمجة الأطفال، وأعمل دوبلاج و ڤويس أوڤر.
خطوات لعالم البرمجة
هل كلية حاسبات ومعلومات كانت هدفك؟
«لا، أنا كنت طالبة أزهرية وبعد كدا عملت معادلة وفي الثانوي جبت
مجموع 92.7٪ وكان حلمي من وأنا صغيره أكون مهندسة و اتطورت شوية إني ادخل فنون تطبيقيه
لاني بحب الرسم جدا لكني مستمرتش فيها اسبوع وحولت حاسبات رغم اني مكنتش اعرف حاجه
عنها ولا حد فيها لكن حسيت اني هبدع فيها وهكون شخص مميزومش هبطل اتعلم لان أنا
بحب أتعلم جدا السبب الى دخلني حاسبات إني عاوزة أكون شخص مختلف و مؤثر شخص
مبيبطلش ينتج».
وكيف استطعتِ أن تصبحين instructor في مجال البرمجة رغم صغر سنك؟
«من أول سنة في الكلية كنت بشارك في كل حاجة كنت اكتڤ جدا كأني طاقة
ماشية على الارض لأني بحب افيد الى حواليا اي حاجه بتعلمها يله اعلمها لصحابي و
احاول افيد الى حواليا وشخصية اجتماعية جدا دا ساعدني اكونinstructor
بشكل لطيف، ومن خلال كورس كنت
بحضرةوانا فرقة اولى تبع شركة "Eraa soft" للبرمجة مع مهندس"طارق العبد" هو expert من جوجل و flutter
developerوهناك كنت شاطرة اوي
وبساعد زمايلي واعملهم ملخصات وبعمل التاسكات ومهندس "طارق" كان بيدعمني
جدا ودا كان مخليني متحمسة اوي كان يوم الكورس دا بالنسبالي اليوم الترفيهي، و لما
خلصنا الكورس عملوا مسابقة و خدت درع من ""Eraa soft تحفة عشان كنت نشطة معاهم وبساعد زمايلي و بعد
شوية كلموني اكون اسيستنت ف كورسات البرمجة وانا لسه في سنة اولى بقيت أول اسيستنت
في المكان بطبق ولو حد مش فاهم حاجة بساعدة بتابع التطبيق بتاعهم كله أنا وحد كان
معايا برضووكنت بعمل سيشنز اونلاينابتديت في نهاية سنة اولي اشتغل بعد ما اكتسبت
خبرة اكبر بقيت اعلم الاطفال و الكبار c++
و java وأساسيات
البرمجة و حاجات تانية».
تتصدر البرمجة عصرنا الحالي فمن مثلك الأعلى بها؟
«بقدر المهندس أسامة زيرو جدا و بيبقا مثال ليا في حاجات كتير براالبرمجة
وفي كذا حد تاني كويسينجدا بحب اتابعهم باخد من كل حد حاجه كويسة، حواليا ناس كتير جدا
كلهم توب في المجال».
ولماذا تركزين على تعليم البرمجة للأطفال؟
«حابة انشر وعي اد اي البرمجة مهمة بين الأهالي والأطفال عشان ينمو
مهارات طفلهم وهتفرق معاهم جدا خصوصا لو تعلموها من سن صغير».
أودي الدوبلاچ بحب
مريم رجب مقدمة برنامج «ربع برا الصندوق» نريدك أن تعرفينا عليه؟
«هو برنامج اونلاين بيتعرض على البيدج بتاعتي، الكاتب محمد توفيق وتقديمي،
هو برنامج كريتڤ بيتكلم عن حاجات كتير ملهاش علاقة ببعض، وانا متفائلة جدا بيه و
حاسة انه هيكبر ويكسر الدنيا وهيجي يوم واستضيف فيه كريم الحسيني».
وكيف كانت بدايتك في الدوبلاج و الفويس اوفر وكيف تحول لمجال عمل؟
«من صغري كل الناس بتعلق على اني بقدر اتحكم في طبقات صوتي بطريقة
لطيفة بعد ثانوي جربت برنامج Madlipzواتشهرت عليه وكنت بتابع خالد النجار وكمان الى حببني في المجال هو
يوسف احمدمعايا في الكلية هو فويس اوفر كان شايفني شاطرة وفضل يدعمني ويساعدني ف
بدات اخد الخطوات دي و اشوف الناس الشاطرة في المجال و المشهورة و اروح اتكلم
معاهم واوريهم شغلي كانوا بيردوا كل فين وفين وبعد كدا بقا في بينا تعامل وصداقةويعرفوني
اعمل اي وبعد كدا بقا يجيلهم شغل يرشحونيعشان عارفين شغلي و تطوري، وبقالي في
المجال دا 3 سنين و ليا بيدج عليها شغلي وفى قبول من المتابعين، اتحول لمجال عمل
لاني بحبة لكن شغلي ف البرمجة هو الأهم».
ومن الشخصية الملهمة لكي في مجال الدوبلاج؟
«مصطفي بسيوني واوس عبدالغني ملهمين ليا جدا هما اشتغلوا سوا وانا نفسي
اشتغل مع الاتنين جدا أنا اشتغلت مع مصطفي بسيوني كان المخرج بتاعي وافادني جدا و
فرق معايا 180 درجة و اتعرفت على حاجات كتير اوي، وطبعا كريم الحسيني حاسة اننا لو
اشتغلنا مع بعض هنعمل عظمه، الشخصية دي جميلة اوي نفسي اشوفها جدا».
وأي الشخصيات تحبين تقمص أصواتها؟
«كتير يعني مثلا ممكن اعمل 3 شخصيات في نفس الوقت ممكن اعمل كذا تون اذاعة، وثائقي، رد آلي ممكن طفل 6 او٥ سنين
او 12 سنة و صوت انسة وفي الدوبلاچ ممكن الصوت الرخيم او رفيع
او لايت حاجة لإعلان بجرب حاجات كتير ممكن اجرب مليون حاجه، أقربهم لقلبي صوت طفل
عنده مثلا 8 سنين».
الرسم موهبة من الجميل اكتشافها
منذ متى اكتشفت مريم رجب انها موهوبة في الرسم؟
«برسم من وأنا في الصف السادس الابتدائي، وكنت بدخل معارض كتير جدا بلوحات لطيفة و بطلع بنتائج
لطيفة».
في حياة مريم رجب هل يوجد رابط بين البرمجة والفويس اوڤر والرسم؟
«اه، انا لو بعمل شغل لنفسي لو حاجه فيها اعلان بعمل فويس اوفر لنفسي
و انا بدرس برمجة للاطفال وفي بريك او حاسين بملل هما بيعشقوا الدوبلاج و بعملهم
فويس اوفر وكل projects الى بنعملها بنضيفلها دوبلاج بتكون لذيذة جدا والرسم
ساعدني اعمل حاجات هاند ميد كتيره واهديها للأطفال الى بعلمهم مثلا حتى لو في event
بعمل كل حاجه هاند ميد ب ايدي».
هل تلقيتِ الدعم من أهلك وأصدقائك؟
«أكيد دول اكتر ناس مؤمنين بيا في الدنيا أخواتي والدتي وأقاربي ناس
لطيفة وفوق راسي ودايما واقفين جمبي».
وكيف تواجهين الصعوبات في طريقك؟
«اي حاجه مش لطيفة ولا مش حلوة في حياتي بحاول اشوف فيها جانب حلو
يخليني اكمل انا كنت بشوف احلى حاجه بس و انا عكس م الناس فكراني ببدأ بشغف و
بعدين حماسي ينطفي، لا انا بكمل بشغف و دي نعمة وفضل لاني بحاول احب الحاجة الى
قدامي و ادور على حاجه تخليني اكمل فيها».
